භාෂාව කියන්නේ හරියට දෙපැත්ත කැපෙන කඩුවක් වගේ. අප ඉතා දක්ෂ වුණේ නැති නම්, භාෂාව භාවිත කරමින් මිනිසුන් නොමඟ යැවීමට පෙළඹෙන පිරිස ඉතා වැඩිය. බලන්න එකම සිදුවීම දෙදෙනකු වාර්තා කර ඇති අයුරු.
"බුදුදහමට නිගා වන අන්දමින් නෙළුම් මලක වැඩ සිටින බුදුන් වහන්සේගේ රුව මහජනයාට හොඳින් පෙනෙන අන්දමින් දකුණු බාහුවේ (උරහිසේ) පච්ච කොටා ශ්‍රී ලංකාවට ඇතුළුවීමට තැත් කළ බ්‍රිතාන්‍ය ජාතික කාන්තාවක වහාම ඇගේ මව් රටට පිටුවහල් කිරීම සඳහා ඇය ආගමන විගමන පාලකගේ මිරිහාන රැඳවුම් කඳවුරට භාරදීමට මීගමුව අතිරේක මහෙස්‌ත්‍රාත් තිලකරත්න බණ්‌ඩාර මහතා (21 වැනිදා) නියෝග කළේය. මෙම අධිකරණ තීරණයට ඔබ... එකඟයි / එකඟ නැත."
"වසර දෙදහස් පන්සීයකට අධික කාලයක් මෛත්‍රිය සහ උපේක්ෂාව මත පදනම් වූ ථේරවාදී බෞද්ධ දර්ශනයෙන් ශික්ෂණය ලත් ලංකාවේ සිංහල බෞද්ධයන්, සුද්දියකගේ පච්චයක් දැකීමෙන් 'කැළඹීමට පත්වේයැයි' ලංකාවේ උසාවිය විසින් නිගමනය කිරීම, බෞද්ධයන්ට කළ අපහාසයකි / නිවැරදි තීන්දුවකි. "
මා මෙහිදී කියන්න උත්සාහ කළේ, සිංහල භාෂාවේ ව්‍යාකරණය වැනි කරුණුවලට වඩා ලේඛන ශෛලිය මත සිදු කරන බරපතල වරදක් ගැන. කාටවත් අපහාසයක් නොවේ, අප දත යුතුම කාරණයක් මේක. we report, you decide කියන්නේ ලෝකයේ මාධ්‍ය සදාචාරයේ ඉහළම මූලධර්මය. මේ නිසා යම් තොරතුරක් කිසිවෙකුගේ දැන ගැනීමට මත විමසීමකට භාජනය කරන විට, අපේ පූර්ව නිගමන ඒ තුළ නොතිබිය යුතුයි.
ඒක මං තවදුරටත් මෙහෙම පැහැදිලි කරන්නම්. පළමු සටහනින් අහන්නේ "මෙම අධිකරණ තීරණයට ඔබ... එකඟයි / එකඟ නැත" යන්නයි. ඔහු එය අහන්නේ මුලින්ම, "බුදු දහමට නිගා වන අන්දමින්" යනුවෙන් තම මතයත් ඇතුළත් කර. ඉදින් ඒක බුදුදහමට නිගා දෙන ක්‍රියාවක් නම්, අධිකරණ තීරණයට විරුද්ධ වීමට අපට හේතුවක් නැහැ නේද?
දෙවන සටහනින් අහන්නේ, "බෞද්ධයන්ට කළ අපහාසයකි / නිවැරදි තීන්දුවකි." යන්නයි. එය අහන්නේ මුලින් "වසර දෙදහස් පන්සීයකට අධික කාලයක් මෛත්‍රිය සහ උපේක්ෂාව මත පදනම් වූ ථේරවාදී බෞද්ධ දර්ශනයෙන් ශික්ෂණය ලත් ලංකාවේ සිංහල බෞද්ධයන්" යනාදී ලෙස අනවශ්‍ය විස්තරයක් සපයමින්. බෞද්ධයන් එවැනි ශික්ෂණයක් ලබා තිබේ නම්, විවාදයක් නැහැ මේක බෞද්ධයන්ට කළ අපහාසයක්.
ඔබට පේනවා ඇති අවස්ථා දෙකේදීම අපේ මතය විමසන අයුරින් ඔවුන් කරන්නේ තමන්ගේ මතය අපේ ඔළුවට දැමීම බව. අපට තෝරගන්න විකල්ප නැහැ. උත්තරය දී ඇත. මේ වගේ ප්‍රවෘත්ති ඕනැ තරම් අයි.ටී.එන් නැරඹුවාම දත හැකියි. අනෙක් මාධ්‍යවලත් ප්‍රවෘත්ති කියනවා කියා කරන්නේ මේ දේම තමයි. ජනතාවට තොරතුරු දීම වෙනුවට, ජනතාවගේ අදහස් විමසීම වෙනවට තමන්ගේ අදහස් බලහත්කාරයෙන් ජනතාව වෙත පටවනවා.
දැනට ලංකාවේ ජනමාධ්‍ය කරන්නේත් මෙකමයි. අසත්‍ය ප්‍රචාර ගෙන යන ෆැන්ටසිවාදීන් කරන්නේත් මේකමයි.
භාෂාව
නිවැරදිව ඉගෙන ගන්න
නිවැරදිව භාවිත කරන්න
එවිට බොහෝ ප්‍රශ්න නිරවුල් කර ගත හැක.
"බුදුදහමට නිගා වන අන්දමින් නෙළුම් මලක වැඩ සිටින බුදුන් වහන්සේගේ රුව මහජනයාට හොඳින් පෙනෙන අන්දමින් දකුණු බාහුවේ (උරහිසේ) පච්ච කොටා ශ්‍රී ලංකාවට ඇතුළුවීමට තැත් කළ බ්‍රිතාන්‍ය ජාතික කාන්තාවක වහාම ඇගේ මව් රටට පිටුවහල් කිරීම සඳහා ඇය ආගමන විගමන පාලකගේ මිරිහාන රැඳවුම් කඳවුරට භාරදීමට මීගමුව අතිරේක මහෙස්‌ත්‍රාත් තිලකරත්න බණ්‌ඩාර මහතා (21 වැනිදා) නියෝග කළේය. මෙම අධිකරණ තීරණයට ඔබ... එකඟයි / එකඟ නැත."
"වසර දෙදහස් පන්සීයකට අධික කාලයක් මෛත්‍රිය සහ උපේක්ෂාව මත පදනම් වූ ථේරවාදී බෞද්ධ දර්ශනයෙන් ශික්ෂණය ලත් ලංකාවේ සිංහල බෞද්ධයන්, සුද්දියකගේ පච්චයක් දැකීමෙන් 'කැළඹීමට පත්වේයැයි' ලංකාවේ උසාවිය විසින් නිගමනය කිරීම, බෞද්ධයන්ට කළ අපහාසයකි / නිවැරදි තීන්දුවකි. "
මා මෙහිදී කියන්න උත්සාහ කළේ, සිංහල භාෂාවේ ව්‍යාකරණය වැනි කරුණුවලට වඩා ලේඛන ශෛලිය මත සිදු කරන බරපතල වරදක් ගැන. කාටවත් අපහාසයක් නොවේ, අප දත යුතුම කාරණයක් මේක. we report, you decide කියන්නේ ලෝකයේ මාධ්‍ය සදාචාරයේ ඉහළම මූලධර්මය. මේ නිසා යම් තොරතුරක් කිසිවෙකුගේ දැන ගැනීමට මත විමසීමකට භාජනය කරන විට, අපේ පූර්ව නිගමන ඒ තුළ නොතිබිය යුතුයි.
ඒක මං තවදුරටත් මෙහෙම පැහැදිලි කරන්නම්. පළමු සටහනින් අහන්නේ "මෙම අධිකරණ තීරණයට ඔබ... එකඟයි / එකඟ නැත" යන්නයි. ඔහු එය අහන්නේ මුලින්ම, "බුදු දහමට නිගා වන අන්දමින්" යනුවෙන් තම මතයත් ඇතුළත් කර. ඉදින් ඒක බුදුදහමට නිගා දෙන ක්‍රියාවක් නම්, අධිකරණ තීරණයට විරුද්ධ වීමට අපට හේතුවක් නැහැ නේද?
දෙවන සටහනින් අහන්නේ, "බෞද්ධයන්ට කළ අපහාසයකි / නිවැරදි තීන්දුවකි." යන්නයි. එය අහන්නේ මුලින් "වසර දෙදහස් පන්සීයකට අධික කාලයක් මෛත්‍රිය සහ උපේක්ෂාව මත පදනම් වූ ථේරවාදී බෞද්ධ දර්ශනයෙන් ශික්ෂණය ලත් ලංකාවේ සිංහල බෞද්ධයන්" යනාදී ලෙස අනවශ්‍ය විස්තරයක් සපයමින්. බෞද්ධයන් එවැනි ශික්ෂණයක් ලබා තිබේ නම්, විවාදයක් නැහැ මේක බෞද්ධයන්ට කළ අපහාසයක්.
ඔබට පේනවා ඇති අවස්ථා දෙකේදීම අපේ මතය විමසන අයුරින් ඔවුන් කරන්නේ තමන්ගේ මතය අපේ ඔළුවට දැමීම බව. අපට තෝරගන්න විකල්ප නැහැ. උත්තරය දී ඇත. මේ වගේ ප්‍රවෘත්ති ඕනැ තරම් අයි.ටී.එන් නැරඹුවාම දත හැකියි. අනෙක් මාධ්‍යවලත් ප්‍රවෘත්ති කියනවා කියා කරන්නේ මේ දේම තමයි. ජනතාවට තොරතුරු දීම වෙනුවට, ජනතාවගේ අදහස් විමසීම වෙනවට තමන්ගේ අදහස් බලහත්කාරයෙන් ජනතාව වෙත පටවනවා.
දැනට ලංකාවේ ජනමාධ්‍ය කරන්නේත් මෙකමයි. අසත්‍ය ප්‍රචාර ගෙන යන ෆැන්ටසිවාදීන් කරන්නේත් මේකමයි.
භාෂාව
නිවැරදිව ඉගෙන ගන්න
නිවැරදිව භාවිත කරන්න
එවිට බොහෝ ප්‍රශ්න නිරවුල් කර ගත හැක.
Comments
Post a Comment